Dott. Anthony Borg kiseb dottorat fil-Liġi (LL.D) mill-Università ta’ Malta fl-2015. Huwa kiseb il-warrant ta’ avukat fl-2016, ftit wara li ngħaqad mat-Taqsima Ċivili tal-Uffiċċju tal-Avukat Ġenerali (illum l-Uffiċċju tal-Avukat tal-Istat).
L-oqsma ewlenin ta’ Anthony jinkludu l-abbozzar ta’ liġijiet, il-litigazzjoni amministrattiva u kostituzzjonali. Huwa rrappreżenta wkoll lil Malta fil-Kunsill tal-Unjoni Ewropea f’diversi gruppi ta’ ħidma, attenda gruppi ta’ esperti organizzati mill-Kummissjoni Ewropea u pparteċipa f’laqgħat organizzati mill-Aġenzija tal-Unjoni Ewropea għad-Drittijiet Fundamentali u n-Nazzjonijiet Uniti.
